A historia desta casa arrinca cando o cabeza de familia , Elías Rodríguez González, herda (do fundador Evaristo) a casa familiar na que creceu cos seus sete irmáns e continúa a labor agraria que aprendeu dos seus pais. Ao pouco tempo de tomar as rendas da explotación sorpréndeo unha grave enfermidade que lles obriga a trasladarse a Muxía onde se ven obrigados a abrirse un novo camiño.

Os anos pasan e a familia progresa. O bo facer de Lita na cociña e a laboriosidade dos seus fillos lles permite habrir o bar Winpe e, máis tarde, o restaurante O Coral, dous referentes da hostelería muxiana.

A enfermidade vai facendo mella en Elías ata que o vence no 2003, antes de que puidese facer real o seu maior desexo: volver a Frixe e converter a vella casa da familia nun establecemento de turismo rural.

Agora, seis anos máis tarde e logo de 18 meses de obras, a súa idea por fin viu a luz. A vocación empresarial dos seus fillos e, sobre todo, a do seu xenro Manuel, converteron o caseirón de 1900 nun bonito refuxio de 10 habitacións, que combinan a comodidade do hidromasaxe co sabor auténtico dunha vivenda agraria de principios do século pasado.

As habitacións foron bautizadadas (na súa honra), co nome do fundador Evaristo e da súa esposa Manuela,  cada un dos oito fillos deste: Elias e Lita (herdeiros da casa) , Jaime, Lelo, Jesús, Concha, María, Arosita, e Sanita  e finalmente o último nome de habitación que se reservou para os creadores do proxecto: Alvaro e Chus.